Kremlniñ qırımtatar esiri Server Mustafayevniñ közleri zayıflaşalar

06 Dekabr 2022

Kremlniñ qırım qanunsız esiri Server Mustafayevniñ közleri zayıflaştılar.

Ana-babası ve qız qardaşınen beraber Tambov vilâyetindeki tüzetüv müstemlekesini ziyaret etken apayı Maye Mustafayeva “Qırım birdemligi” cemiyet teşkilâtına haber berdi, dep ZMINA bildirdi.

Siyasiy mabüsniñ tişlerinen meseleleri bar, ayaqları ağıralar, çünki onıñ plaskostopiyası bar, qalbi de zayıflaşa.

Bundan ğayrı, köküs qafesiniñ lipoması peyda oldı.

Daa Maye Mustafayeva haber berdi ki, aş ta uyğun olmay. Domuz eti pişirilgende diniy sebeplerge köre, adam onı aşamay.