Kıyivde yırcı Jamala “QIRIM” albomını taqdim etti

08 Mayıs 2023

Kıyivde qırımtatar yırcısı Jamala, “QIRIM” adlı yañı albomını taqdim etti, dep Qırım.Aqiqat haber berdi.

Mezkür albom, Qırımnıñ ayrı bir yerini taqdim etken 14 yırdan ve OUTRO olğan 15. yırdan ibarettir. Onlarca sene devamında Jamala, Qırım yarımadasınıñ farqlı yerlerinden bütün eserlerni toplay edi. Eñ az 80 muzıkacı, bu albom üzerinde çalışmağa qatıldı.

Ukraina Prezidenti Volodımır Zelenskıy bir mektüp yazdı. Anda albomnıñ taqdiminiñ iştirakçilerine muracaat etti. Sanada Ukraina Medeniyet ve malümat siyaseti naziri Oleksandr Tkaçenko onı oqudı. 

– Bugünden Qırımnıñ küçü, “QIRIM” albomınıñ yırlarında eşitilir. Şimdi mında – Kıyivde, bundan soñ – bütün Ukraina boyunca, yaqın kelecekte bütün dünya onı diñleycek. Ve onı diñlegende düyna bilsiñ: biz qaytacaqmız! İşkencelerni dayanacaqmız ve teslim olmayıp, küreşecekmiz. Coymaycağımız ve balalarımızğa berecegimiz serbestlik, bizim içün munasip bir mukâfat olacaq, – Zelenskıynıñ muracaatında yazıldı.

Kıyivde albomnı taqdim etken soñ QIRIMnıñ cian taqdimi Liverpul şeerinde keçirilecek. EuroFestival çerçivesinde ВВС Philharmonic Orchestranen beraber Jamala albomnı yırlaycaq.