Keri qaytmaz deñişmeler: nasıl işağlciler Hansaraynı viran eteler

13.01.2023

rus tecavuzcılarınıñ Bağçasaraydaki Hansarayda keçirgenleri “tamir-restavratsiya işleri”, keri qaytmaz deñişmelerniñ sebebi oldı. Ukrinformğa intervyü bergende Bağçasaray tarihiy-medeniy qoruğınıñ ekspeditsiyacısı Elmira Ablâlimova bunı añlattı.

– Soñ alğanımız malümatqa köre, keri qaytmaz deñişmeler bar, ve biz bu abideni coyamız. 2017 senesinden berli kompleksniñ obyektlerinde (olarnıñ sayısı tahminen 20) böyle degen “tamir-restavratsiya işleri” keçirilir. İşğalciler, ihtiyacı olmağan yerlerni de “tamir eterler”. Misal içün, Dilâra-Bikeçniñ dürbesi (Bağçasaray Hansarayınıñ Cenübiy qapısı yanındaki dürbe – müarrir), – dep Ablâlimova qayd etti.

Onıñ sözlerine köre, soñ zamanlarda saraynıñ baş binasında da tamir işleri keçirilir. Onıñ ekincisi qatında Qırım Geray Hannıñ Altın odası ya da Meyva odası saqlandı.

– Tahminen 2000 seneleri qaza alında olğanından sebep ziyaretçiler içün o qapatıldı. Baş binanıñ ekinci qatınıñ divarlarından sanki qan tökti ve yañıdan tamir etilmeli edi. İşğalcilerniñ ilk yapqanları şey – divardaki resimlerni saqlamayaraq ekinci qatnı madeniy yapqarlarnen sardılar. Bundan soñ baş bina üstünde büyük bir karksa tiklediler. Ve soñ areketi – bu qış Altın odanıñ damını keçirdiler. Amma bu mevsimde çoq yağanaq olğanı içün böyle iş yapılmamalı, – dep Ablâlimova qayd etti.

Qoruqnıñ ekspeditorcısı añlattı ki, saraynıñ harem binasında işler başladı.

– Qış mevsiminde haremniñ divarınddaki qapını çıqarıp, bu teşikni qapatmadılar.

Bundan ğayrı, Fars azbarında böyle degen arheologik tedqiq eteler.

– İhtisaslı tasil almağan ve arheologiya saasında iç bir tecrübege saip olmağan, ameliyathaneci olğan ve qoruqnıñ saytını yapqan bir kişi olarnı idare ete.