Kefe ve Aqyar şeerlerine “pamuq” patlaması

18 Sentâbr 2023

Berim ayınıñ 17-sinde Bazar künü Kefede patlamalar duyuldı. Yerli yermay bazası yanında rus terrorcılarınıñ Ava mudafaası, uçucısız aletni sanki tüşürdi.

“Qırım yeli” Telegram kanalına atıf eterek RBK-Ukraina bu aqqında haber berdi.

“Taqipçiler haber berdiler ki, saba saat 10da, başqaları ise saat 12de Kefede  patlama duyuldı. Bundan ğayrı şimdi yermay bazası rayonında yol bloklandı”, – dep kanal bildirdi.

Aynı zamanda rus online derci Mask yazdı ki, yermay bazası yanında uçucısız alet tüşürdiler. Şu cümleden insanlar qoştılar ki, tek o gece maalinde Ava mudafaası sanki altı uçqan köz aletini tüşürdi.

Bundan ğayrı, aqşam maalinde Aqyar şeerinde patlamalar aqqında haberler peyda oldı.