Karel Şvartsenbergni añmaq içün Mustafa Cemilev ve Refat Çubarov Çehiya Elçiligini ziyaret ettiler

16 Noyabr 2023

2023 senesi boş aynıñ 16-sında qırımtatar halqınıñ lideri Mustafa Cemilev ve Qırımtatar Milliy Meclisiniñ Başı Refat Çubarov Kıyivdeki Çehiya Cumhuriyetiniñ Elçiligini ziyaret ettiler. Anda Çehiya Cumhuriyetiniñ Vekâletli ve Salâhiyetli Elçisi Radek Pehniñ iştirakinen merasimde matem kitabına taziye sözlerini yazıp qoydılar. 

Hatırlatamız ki, 2023 senesi boş aynıñ 11-inde 85 aşındaki belli çeh ve dünya siyasetçisi, Vatslav Havelniñ yardımcısı, 2007-2009 ve 2010-2013 seneleri Çehiya tış işleri naziri, Ukraina ve qırımtatar halqınıñ aqiqiy dostu Karel ŞVARTSENBERG vefat etti.