İşğalciler tarafından Qırımda tutulğan eki qırımtatar adamı azat etildi

27 Sentâbr 2023

Berim ayınıñ 26-sında işğal etilgen Qırımnıñ Yalta rayonındaki Qızıltaşta işğal quvetçileriniñ tutıp belli olmağan yerge ketirgenleri qırımtatar Arsen Cepparov ve Emil Nazarbekovnı Aqmescitteki sorağan soñ yiberdiler, dep Qırım.Aqiqat haber berdi.

Qırımtatar Arsen Cepparov ve Emil Nazarbekovnı Aqmescitteki “Aşırıcılıqqa qarşılıq merkezi”nde sorağan soñ yiberdiler. Berim ayınıñ 27-siniñ gecesi Arsen Cepparov ve Emil Nazarbekov evlerine qayttılar.

Bundan evel bildirildi ki, rus quvetçileri qırımtatar siyasiy mabüsi Refat Alimovnıñ qız qardaşınıñ aqayı olğan Emil Nazarbekovnı ve bu sene baar mevsiminde yedi senelik tevqiften soñ müstemlekeden çıqqan Arsen Cepparovnı tutıp, belli olmağan bir yerge ketirdiler.

Keçkende “Hizb ut-Tahrir” davasında maküm etilgen Arsen Cepparov, 20216 senesi çiçek ayınıñ 18-inde tutulğan soñ 2023 senesi çiçek ayınıñ 17-sinde azat etildi. “Qırım birdemligi” bildirdi ki, epislikten bir ay evel şdeşlik yapması içün onıñ işine FSB işçileri keldiler.