İşğalciler, siyasiy mabüs Rustem Şeyhaliyevni hastahanege yattırmağa red ettiler

22 Yanvar 2024

Apishane tibbiyetçileri Rustem Şeyhaliyevni baqqan soñ içtimaiy jurnalistni hastahanege yollamağa red ettiler. Bundan evel ükümine şikâyetnamesi baqılğanda makeme oturışında burnu qanmağa başladı.

Nevbetteki makeme oturışında qorçalayıcı Lilâ Gemecige siyasiy mabüs bu aqqında haber berdi, dep “Qırım birdemligi” yazdı.

Bildirildi ki, qara qış ayınıñ 16-sında o, Novoçerkasktaki 3. SİZOdan video alâqası vastasınen ükümine apellâtsiya arizasını baqmasına dair oturışta iştirak etecek edi. Faqat oturış vaqtında onıñ burnu pek qanmağa başladı. Onı tibbiy qısımğa yolladılar, amma bundan soñ kamerada keri qaytardılar.

“Rustem ayttı ki, tibbiy qısımnıñ işçileri, basım cedvelini kerekli ölçege ketirmediler ve böylece, alet doğru basım kösterdi”, — dep esir etilgen adamnıñ sözlerine köre Gemeci añlattı.

Keçken oturışta Şeyhaliyevğa çağırılğan feldşer, burnundan qan aqıntısı vaqtında yüksek arteriya basımını qayd etti. Oña ilâç aşırını yaptı, amma hastahange ketirmege rede etti. Teşkerüv keçirmege ve kerkeli tedaviylev yazmağa imkân bermediler.

Keçenlerde Rustem Şeyhaliyev, apishane tibbiyetçilerini oña elektrikkardiogramma yapmağa rica etti — o, qalp kemligini çeke bile.

Hatırlatamız ki, keçken oturıştan soñ Lilâ Gemeci añlattı ki, oturıştan üç kün evel adamnıñ başı ağıra edi. O ağrı ilâçlarını içti, amma o yardım etmedi.