İşğalciler Canköy rayonını tinttiler – tutulğanlar bar

24 Yanvar 2023

Yanvar ayınıñ 24-ünde saba maalinde Qırımnıñ Canköy rayonında rus quvetçileri, qırımtatalarnıñ evlerini: Blijnegorodskoye köyündeki Ekrem Kroş, Timofeyevka köyündeki Ayder Asanov ve Refat Seydametov, Dneprovka köyündeki Osamn Abdurazakov, Canköydeki Leman Zekiryayev ve Halil Mambetovnıñ evlerini tinttiler.

Bundan soñ Ekrem Kroşnıñ apayı Amide “Qırım birdemligi” içtimaiy teşkilâtına haber berdi ki, Qırımnıñ şimalinde tutulğan qırımtatarlar “terrorcılıq” içün qabaatalana bilirler.

– Qırım advokatı Emil Kurvedinov Qırım.Aqiqatqa haber berdi ki, rus quvetçileri yanavr ayınıñ 24-ünde Canköy rayonındaki tintüvlerden soñ tutulğan qırımtatarlarğa onı ve İslâm Velilâyevni yibermeyler.Men ve İslâm Velilâyev TFHniñ binası (Aqmescitte – KR) yanına keldik. Bizni davağa yibermeyip, taqiqatçı, bu davada advokat olamağanımıznı bildirdi, çünki biz Canköy rayonına ait olğan başqa cinaiy davada qorçalayıcı olamız. Bu, advokatlarnı davadan çıqarmaq içün daa bir ıntıluvdır, – dep Kurbedinov haber berdi.