İşğal etilgen Qırımda “Yehova şaatları”niñ vekilleriniñ evleri tintildi

18 Avgust 2023

Arman ayınıñ 14-ü ve 16-sında Qırımnıñ dört şeerinde – Ermeni Bazar, Aqmescit, Saq ve Canköy – “Yehova şaatları” diniy teşkilâtınıñ eñ az doquz azasınıñ evleri tintildi. Qırım.Aqiqat bu aqqında haber berdi.

Aqmescit şeerinde Katerına Melnıçuknıñ evini tinttiler. Katerınağa haber berdiler ki, oña qarşı cinaiy bir dava açıldı ve soratıp, çıqmama añlaşmasını imzalatıp yiberdiler.

Bundan ğayrı, Dmıtro Zaharevıçnıñ evini tinttiler. O kün adam, cinaiy davada qabaat aqqında bir qarar aldı. Taqiqatçınıñ resmiy ricasınen makeme, onı ve daa bir vekilini ev tevqifine qoydı.

Ermeni Bazarda quvetçiler, adamnıñ eki evini tinttiler. Bundan soñ “Yehova şaatları”nıñ vekilini soratmağa ketirdiler. Saq şeerinde dörtü silânen olğan yedi quvetçi, “Yehova şaatları”nıñ 62 yaşındaki azasınıñ evini 2 saat devamında tinte edi. Quvetçiler, onıñ elektron cihazlarını alıp çıqardılar.

.Rusiye Yuqarı makemesi, “Rusiyedeki Yehova şaatlarınıñ İdare merkezi”ni aşırıcılıq teşkilâtı olaraq tanıdı ve 2017 senesi Rusiyede onıñ faaliyetini yasaqladı.