İşğal etilgen Qırımda yañı patlamalar duyuldı

30 Oktâbr 2023

Vaqtınca işğal etilgen Qırımda yañı patlamalar duyuldı. Saq ve Aqyar şeeleriniñ sakinleri olarnı eşittiler.

Telegramda “Qırım yeli” bu aqqında haber berdi.

“Saq şeerinde patlamalar duyuldı, endi 3-4 duyuldı, dep bizim taqipçilerimiz haber berdiler. Bazı yerlerde elektrik kesildi”, – dep bildirildi.

Bundan ğayrı, bildirildi ki, Aqyar şeerinde dört patlama duyuldı. Oqçu körfezi rayonında çoq tuman bar.

Qayd etildi ki, Novofedorivkadaki uçaq limanına bir şey urdı.

Keçenlerde bildirildi ki, orta küz ayınıñ 30-ınıñ gecesi Ukraina Silâlı Quvetleri, vaqtınca işğal etilgen Qırımnıñ ğarbiy yalısında tecavuzcılarnıñ strategik obyekt olğan ava mudafaası sistemasını mufavaqiyetnen yoq ettiler.