İçtimaiy jurnalist Aqmescitteki SİZOda basımnıñ şiddetlenmesi aqqında haber berdi

23 Noyabr 2022

İçtimaiy jurnaslist İrına Danılovıç haber bermege becerdi ki, apishanecilerniñ qanunsız areketlerine şikâletleri sebebinden taqiqatçı izolâtorınıñ memuriyeti oña basmağa başladı. İncir.Media bu aqqında haber berdi.

Danılovıçnıñ bildirmelerine köre, oktâbr ayında SİZOda büyük bir tintüv keçirildi ve neticesinde çoq tutulğan kişiniñ şahsiy eşyaları qanunsız alındı. Memuriyetniñ vekilleri Danılovıçtan ilâçlarını aldılar. O, SİZOnıñ memuriyetine kütleviy şikâyet arizasını bermege becerdi ve neticesinde müessisege CKFHniñ teşkerüv eyyeti ketti.

Eyyetniñ ziyareti vaqtında İrına Danılovıç Kefe İVSke ketirildi ve qaytqandan soñ basım başladı. Böylece, noyabr ayınıñ başlanğıcında onıñ kamerası tintildi ve makemede söyleycek çıqış nutuğınen defteri alındı.

Bundan ğayrı, İrına Danılovıç haber berdi ki, öz aqlarını qorçalağanı içün onıñ kamerası “buzlatıldı”.