Faalci İrına Danılovıç Stavropolsk müstemlekesine etap etildi

16 Avgust 2023

Ceza alması içün rusiyedeki Stavropolskıy kraynıñ Zelenokumsk şeerindeki qadın müstemlekesine qırım jurnalisti ve uquq qorçalayıcısı İrına Danılovıçnı etap ettiler. Babası Bronislav Danılovıç bunı Qırım.Aqiqatnıñ mühbirine añlattı. 

Onıñ bilgilerine köre, Danılovıçnıñ endi eñ az yarım sene çekkeni eşitüv organları yanğısını yoq etmesi içün siyasiy mabüsniñ ihtiyac duyğanı bütün ilâçlarını alıp çıqarğanlar. Bundan ğayrı, Bronislav Danılovıçnıñ sözlerine köre, müstemlekeniñ tibbit qısmında kerekli yardım bermege red ettiler. Ağrınıñ artması aqqında muraacatına müstemleke ekimleri cevap berdiler ki, Danılovıç tamamınen sağır olıp, ağrı özü keçecek.

Bunın içün uquq qorçalayıcınıñ yaqınları, RFnıñ CQniñ 124. maddesine mücibi, qanunlarğa köre almalı olğan hastağa sebepsiz tibbiy yardım berilmegenleri içün uquq qorçalayıcı organlarğa ariza azırlaylar.