Faalci İrına Danılovıç qadın müstemlekesine etap etildi

25 Iyül 2023

İşğalciler, Danılovıçnıñ sağlığına baqmadılar.

İşğaiclerniñ deyerli yedi senege qanunsız olaraq maküm etkeni içtimaiy jurnalist İrına Danılovıç Rusiyege etap etildi. Babası Bronıslav Danılovıç bunı Suspilne Qırımğa añlattı.

“Tünevin İrınanı alıp ketirgenler, ne yerge ketirgenlerini bilmeymiz, amma belki de Krasnodarğa. Onıñ nasıl etap ceryanını keçirgenini bilmeyim. Keçken afta onen körüşkende o maña ayttı ki, qulaq ağrısı ve sızğırı sebebinden etap ceryanını dayanmaya bilir”, – dep Danılovıç añlattı.

Onıñ sözlerine köre, SİZOda o, tibbiy yardım almağan.

“Hastalıqnıñ sekiz ayı devamında qulaq ekimi onı asla baqmağan. SİZOnıñ işçileriniñ çalğanları şahsiy eşyalarını oña keri bermegenler. Polozkovanıñ şiirler cıyıntığını bermegenler, sanki onıñ ukrain taraflı menfaatı sebebinden”, – dep Bronıslav Danılovıç qayd etti.

Hatırlatamız ki, 2022 senesi çiçek ayınıñ 29-ında Köktöbelden Kefege yolda işten ketkende işğalciler İrına Danılovıçnı tutıp, onı “patlayıcı maddeler”nen işte qabaatladılar.