Er bir anda işgalciler Qırımnıñ bütün sakinlerini reine ala bilirler – Çubarov

20 Oktâbr 2022

Er bir anda işgalciler Qırımnıñ bütün sakinlerini reine ala bilirler. Meclisniñ başı Refat Çubarov bunı bildirdi.

O hatırlattı ki, Aqyar şeerinen beraber işğal etilgen Qırımnıñ topraqlarında rus işğal akimiyeti “qarşılıqnıñ orta seviyesi” kirsetildi. Rusiyeniñ Krasnodar krayında, Bilhorod, Brânsk, Voronej, Kursk ve Rostov vilâyetlerinde aynı rejim kirsetildi.

– 4. ve 5. maddelerge diqqatnen baqıñız. Olarğa mücibi, er bir anda işğalciler Qırımnıñ bütün sakinlerini öz reinelerine çevirecekler, – dep Çubarov qayd etti.

Böylece, 4. ve 5. maddeler, topraqqa kiriş ve onda çıqış mahsus rejimini kirsete, içinde ketüvni ve naqliyatnıñ areketini sıñırlay.

Oktâbr ayınıñ 19-ında rusiyeniñ kontrolı astında olğan işğal etilgen Qırımnıñ akimiyeti, rfnıñ prezidentiniñ Ukrainanıñ işğal etilgen topraqlarında cenk vaziyetiniñ kirsetilmesi aqqında emrinden soñ yarımadada “qarşılıqnıñ orta seviyesi”ni kirsetti.