Epis etilgen qırımlı ressam Bohdan Ziza daa üç ay içün epishanede tutulacaq

13 Oktâbr 2022

İşğal etilgen Qırımda ressam ve faalci Bodan Zizanıñ epishanede tutuma süresi üç ayğa uzatıldı. Ukraina Prezidentiniñ Qırım MCdeki Vekilligi bu aqqında haber berdi.

Ziza eñ az 2023 senesi yanvar ayınıñ 16-sına qadar episte bulunacaqtır.

– rusiyedeki ayat epishanedeki refimge oşağandır. Halq ögünde bu cenkke qarşı olğanını bildirmegen, bu cenkni toqtatmaq içün iç bir şeyyapmağan, rus akimiyetiniñ yapqanı qorqunçlı cinayette iştirak etken er kes. Razı olmağanımnı köstermek iç bir şey yapmağa qarar berdi, – dep Bohdan Ziza, vekillikniñ yayınlağını öz mektübinde yazdı.

2022 senesi mayıs ayınıñ 16-sında sanatçı, Ukrainanen cenkke qarşı olğanını köstermek içün Kezlev işğal memuriyetiniñ binasını mavı ve sarı boyanen boyaladı ve o yerge yandırıcı bir qarışmanen tolu şişeni attı.

Birinciden işğalciler onı RF CQniñ 20.3.3. maddesine memuriy cezağa qabaatlandırdılar da, bu künge qadar bulunğanı taqiqatçı izolâtorında qaldırdılar. Bohdan Ziza yañartılğan ‘terrorcılar ve aşırıcılarnıñ sicili’ne de kirsetildi. Bütün bu vaqıt boyunca resam taqiqatçı izolâtozında buluna edi, onıñ yaqınları tüşüneler ki, işğalciler oña, ruhiy ve bedeniy cebir qullanaraq, basalar.