Çubarov: Qırımda işğalciler, rf askerlerini yerlilerniñ evlerine yerleştireler

29 Noyabr 2022

Rus işğal organları ealini öz evlerine kelgen-rus askerlerini yerleştirmege çağıralar.

Qırımtatar Milliy Meclisiniñ başı Refat Çubarov bunı bildirdi.

– İşğal etilgen Qırımdan haber alındı: keçenlerde İçki qasabasında 600den ziyade rus askeri yerleştirildi. Çünki mezkür qasabada o qadar çoq askerlerge mesken bermek içün o qadar çoq daire yoq, bunıñ içün rus işğal organları ealini öz evlerine kelgen rus askerlerini alıp yerleştirmege çağıralar, – dep Çubarov añlattı.

O qoştı ki, qasabada yerleştirilgen rus tecavuzcılarınıñ çoqusı Yakutiyada doğdı, yerli tükânlarda ise içki daa çoq satın alınmağa başladı.