Çonharda ruslar, Qırımdan siyasiy mabüslerniñ tutulğanları gizli SİZO açtılar

01 Iyün 2023

Herson vilâyetiniñ Geniçesk rayonınıñ Çonhar köyünde rus işğalcileri daa bir resmiy olmağan taqiqat izolâtorını açtılar. Qırım uquq qoçalayıcı gruppası bu aqqında haber berdi.

İşğal akimiyeti, yañı SİZO aqqında resmen haber bermedi.

İşğal etilgen Qırımda malümat ögrengen bir qaç menbanıñ QUGna añlatqanına köre, yañı cinaiy-icra müessisesine cenüpten Aqmescitniñ 2. SİZOda tutulğan siyasiy mabüslerniñ qısmı ketirildi.

BundAan ğayrı, Herson ve Zaporijjâ vilâyetlerinde siyasiy sebeplerge köre tutulğan insanlar o yerge ketirile. Şu cümleden, yañı SİZOda Noman Çelebicihan adına qırımtatar batalyonında iştirak etüv tömetinen tutulğan tahminen 10 insal tevqif etildi.