Cebede “Qırım” arbiy mahsus bölüginiñ askeri Seyran Kadırov telef oldı

23 Yanvar 2023

Ukraina Mudafaa nazirliginiñ İstihbarat baş idaresiniñ “Qırım” mahsus bölüginiñ askeri, qırımtatar Seyran Kadırov Vatanını rus işğalcilerinden qorçalağanda telef oldı.

Kadırov ölüminden soñ “Arbiy muvafaqiyetler içün” medalinen mukâfatlandırıldı.

Yanvar ayınıñ 22-sinde Ukraina Birleşme künü ukrain qaramanı, Ukraina MNniñ İBİniñ “Qırım” mahsus bölüginiñ askeri Seyran Kadırovnen vedalaşma merasim keçirildi.

– O, rusiyeniñ işğal etkeni Qırımnıñ Aluşta şeeri tübündeki Küçük Özen (Maloriçesnke) köyüni özley ve bütün qorantasınen beraber büyügeni qırım evine qaytacağı, aqrabaları ve dostlarını quçaqlaycağı aqqında hayal ete edi, – Refat Çubarov öz Facebook saifesinde yazdı.

Allah rahmet eylesin!