Berim ayından berli işğalciler üç biñ Qırım sakinini mobilizatsiya ettiler

09 Noyabr 2023

Qırımda qanunsız mobilizatsiya devam ete. 2023 senesi berim ayından berli 3 biñ Qırım sakini mecburen mobilizatsiya ettiler. Suspilne bu aqqında haber berdi.

“Qırımda qanunsız mobilizatsiya devam ete. 2023 senesi berim ayından berli 3 biñ Qırım sakini mecburen mobilizatsiya ettiler. Yarımadanıñ sakinleri, er bir vastanen mobilizatsiyadan qaçmağa tırışalar, amma işğalciler mobilizatsiya malümatnamelerini qalabalıq yerlerde bereler”, – dep bildirildi.

Bildirildi ki, umumen bir sene boyunca işğal arbiy komissarlıqları, 60 biñ Qırım sakinini mobilizatsiya etecek ediler, amma olarnıñ planı bozuldı. Rus ordusına 23 biñ Qırım sakini yollandı, olardan 20 biñ insanı bu sene berim ayından evel mobilizatsiya etildi. Daa üç biñ Qırım sakini sahte saylavlardan evel mobilizatsiya ettiler.

İşğal etilgen yarımadada mobilizatsiya bir senedir – 2022 senesi berim ayından berli devam ete. Birinciden o qısmen keçirildi, şimdi ise toludır. Qırımtatar Maaliy Merkeziniñ bilgilerine köre, mobilizatsiya devriniñ başından işğalciler, yarımadanıñ sakinlerine 60 biñ mobilizatsiya malümatnamesini yazdılar, amma planını becermediler.