Aqyarda FSB eki qırımtatarnı tuttılar

17 Noyabr 2023

_{Fotoresim: Farhad Soliyev, Qırım birdemligi}

Aqyarda belli olmağan adamlar 22 yaşındaki Farhad Soliyevni ve 33 yaşındaki Server Alievni tuttılar. “Qırım birdemligi” bu aqqında haber berdi.

“Video nezareti kamerasından körmek mümkün ki, mahsus urba kiygen adamlar onı (Farad Soliyevni – müar.) tuttılar. Olar FSB işçileri ola bilirler. Şu anda Aqyar şeerindeki İİNe ariza yollandı. Şimdi oğlumnen ne olğanını ve qayda bulunğanını bilmeyim”, – dep anası Lenara Seydaliyeva tefsir etti.

Seydaliyevanıñ sözlerine köre, tutuv aqqında cinaiy davanıñ açılması aqqında oña haber bermediler ve taqiqat ceryanını bilmediler.

Advokatlarnıñ ögrengenlerine köre, añlaşmağa mücibi Farhad Soliyev ve Server Alievge qarşı açılğan dava aqqında bilgiler açıq irişimde yoq. Vaqtınca tutuv izolâtorında ve mahsus müstemlekelerde ne o, ne Serber buluna.

Tutulğan dört kün soñ boş aynıñ 7-sinde Lenara Seydaliyeva Qırımdaki ve Aqyardaki RFnıñ UFSBe hitap etti – ne yazma, ne online arizasına cevap almadı.

“Bütün toplağanım malümat kösterdi ki, oğlumnıñ istegine baqmadan FSB işçileri onı tutalar. Men qorqam ki, oğluma qanunsız taqiqat usullarını, işkencelerni qullanacaqlar. Sadece onıñ sağlığı degil, onıñ ayatı da aqqında raatsızlanam”, – dep Seydaliyeva ayttı.