Aqmescitte Pötr Grigorenkonıñ 105 yıllığı şerefine tedbirler keçirildi

16 Oktâbr 2012

16 oktâbr kun. Aqmescitteki Vladimir ve Ölga kilsesinde belli uquqqoruyıcı, dissident, general Pötr Grigorenkonıñ ruhuna dua oquldı.

Kündüz saat 12-de Pötr Grigorenkonıñ adına meydandaki eykelge çeçekler qoyuldı. Gülçemberler qoymaq içün Meclis reisiniñ birinci muavini Refat Çubarov, “Qırım inkişafı fondı”nıñ baş direktorı Aleksey Skorik, Meclis azaları ve Qırım cemaatçılığınıñ vekilleri keldiler.

“Bugün bizim ağamız, generalımız doğğanına 105 yıl toldı, – dedi Refat Çubarov. – Bizler çoqluq olmaq kerekmiz ve em de olurmız. Devletimiz ukrain vatanperverleri tasavur etkenleri kibi olğanda olurmız. Biz bugün yüz biñlernen, şucumleden onı şahsen bilgen-körgen ve iç körmegen, amma onıñ kibi azatlıq içün küreşken insanlar adından Pötr Grigorenkonıñ ruhuna temenna ettik”.

Şunı qaye etmeli ki, Pötr Grigorenkonıñ 105 yıllığı şerefine tedbirler “Qırım inkişafı fondı”nıñ teşebbüsi ile keçirildi.