Aqmescitniñ merkezindeki Meclisniñ sabıq binasını muzıka mektebine beridiler

08 Sentâbr 2023

İşğal akimiyeti, Qırımtatar Milliy Meclisiniñ saip olğanı Aqmescitteki binanı Alemdar Karamanov adına 2. Aqmescit muzıka mektebine berdi.

Suspilne bu aqqında yazdı.

İşğalciler bildirdiler ki, mezkür binanı tamir etmek te kerek.

Hatırlatamız ki, 2023 senesi mayıs ayında Qırım işğal mebusları, ukrainalılarnıñ saip olğanları yarımadadaki obyektlerni “milliyleştirme” qararı berdiler. Cedvelge Qırımtatar Milliy Meclisiniñ işğal etilgen Aqmescitteki Şmıdta soqağındaki binası da kirsetildi.

2016 senesi Qırımtatar Milliy Meclisi, aşırıcı bir teşkilât olaraq tanındı ve Rusiyede onıñ faaliyeti yasaqlandı.