Advokatlar, tutulğan Abdureşit Cepparnı tapamaylar

25 Aprel 2023

^{Foto: Svoboda raidosı}

rus quvetçileriniñ tutqanları qırım uquq qorçalayıcısı Abdureşit Cepparnıñ qoçalayıcıları onıñ bulunğanı yer tapamaylar. Advokat Edem Semedlâev Qırım.Aqiqatqa bunı bildirdi.

– Bugün Abdureşit Cepparnı tutuv aqqında aqrabalarından malümat keldi, evi tintildi, tehnika ve pasportları alındı, – dep Semedlâev añlattı.

Advokat añlattı ki, Qarasuvbazardaki TFHniñ idaresini, “E Merkez”ni (rusiye İİNniñ aşırıcılıqqa qarşılıq baş daresi) ziyaret etti. Anda oña bildirdiler ki, Ceppar o yerge ketirilmedi. Başqa advokat Refat Yunus, Cepaarğa dair aynı malümat alğanı rf İİNniñ idaresiniñ binasını ziyaret etti.

Semedlâev qoştı ki, olar “102” sıcaq hatqa hitap ettiler ve uquq qoraçayıcı ğayıp oldı dep haber berdiler.

Saba maalinde tahminen saat 7`de Cepparnıñ evi tindildi. O zaman evinde apayı ve 14 yaşındaki qızı buluna ediler. Er kesniñ telefonını alıp, advokatnı çağırmağa izin bermediler.