Advokat, qorçalağanı kişi içün em qalqan, em dost, em de zırhtır – siyasiy mabüsiniñ apayı qırımtatar advokatlarına basım aqqında

07 Oktâbr 2022

Qırım advokatlarından advokat litsenziyasından marum etüv – qabaatlanğan ve maküm etilgenlerniñ seslerini yavaşlaştırmaq ve bütün halqımıznı qorumasız qaldırmaq içün uquq qorçalayıcı organlarnıñ qırımlı advokatlarğa basım yoludır.

Seyran Saliyev adlı kreml mabüsiniñ apayı Mumine Saliyeva, qırımtatar siyasiy mabüsleriniñ advokatlatına statuslarını keri qaytarma ricasını tefsir etkende bunı QIRIM.Newske añlattı.

Saliyeva qayd etti ki, qorçalama – bu tek mütehassıs statusınıñ köstergici degil, qırımtatarlarda bu, olarnıñ “mentalligini ve öz identligini öldüre” de.

– Bunıñ içün qırımlı siyasiy mabüsler haber aldılar ki, üç advokat, advokat statusından marum etildi, olar onlarca hitap yazıp, RF Federal advokatlar palatasına yolladılar. Siyasiy mabüsler bu tür apansız ve alçaq bir qararnen razı olmaylar. Öz hitaplarında advokatlarnıñ yüksek mütehassıslığını, çalışkârlığını, davanıñ tamam başlanğıcından bu cinaiy davanıñ bilgileriniñ hususiyetlerini bilmelerini qayd etip, olarğa advokat statuslarını keri qaytarmağa çağırdılar, – dep añlattı.

Keçenlerde Qırımnıñ siyasiy mabüsleri Lilâ Cemeci, Rustem Kamilev ve Nazım Şeyhmambetov adlı qırımlı uquqçılarğa advokat statuslarını yañıdan berme rizasınen RF Federal advokatlar palatasına hitap ettiler. RF Federal advokatlar palatasına arizalarnen Alim Sufyanov, Seyran Hayredinov, Yaşar Muyedinov, Rustem Şeyhaliyev, Alim Karimov, Ernes Amotov ve onlarca başqa epis etilgen kişi endi hitap etti.