Açlıqtan bayıla – Qırımda ev apisine maküm etilgen oca

06 Yanvar 2023

Bilohirsk tehnikumınıñ, rus makemesiniñ eki aylıq ev episine maküm etkeni sabıq ocası Andriy Bilozerov, maliye olmağanı ve aşayt mahsulatını alamağanı içün açlıq çeke.

Qırım.Aqiqat tefsir bergende bunı bildirdi. 

Belozerovnıñ sözlerine köre oña tükânğa bile ketmege yasaqlandı.

– Birinciden meni işten çıqardılar ve yaşayış vastalarından marum ettiler, şimdi ise SİZOğa ketirmege qorqutaraq evden çıqmağa tasaqlaylar. Oğlumnen apay menden 90 km uzaqlıqta yaşaylar, maliyeviy sebeplerden yanıma ketemeyler (apayımnıñ aylığı – 10 biñ ruble), oğlum 5. sınıfta oquy. Tanımğanım bütün qomşular-studetler tatillerge evlerine kettiler. Özümni pek yaramay duysam, acele yardımğa telefon etecegim, mında olar “SOS” dögmesinen bir alet qoydılar. Açlıqtan endi eki kere bayıldım. Yerli “akimiyetniñ” canavarları böyle şartlarnı aselet yarattılar, olarnıñ maqsadı añlayışlı – bomzaqtır, amma men teslim olmaycağım. Bilem ki, bu canavarlarnen boşuna küreşmeyim. Qırımdaki er şeyni añlağan insanlarnıñ destegi çoq quvet bere – bu tür kişiler o qadar az olmay, – dep Bilozerov haber berdi.

Oktâbr ayınıñ 9-ında Bilozerov bir post yazdı, o sebebinden oña qarşı bir dava açıldı. Anda şunlarnı yazdı:

– 8 senedir Donbasta RF SQ, cebeden Donetsk yönelişine toplarını qaytararaq, Ukrainadan qabaatsız balalar ve qadınlarnı, ukrain sakinlerini ateşke tutalar.

 RFnıñ kontrol etkeni Aqmescit merkeziy raon makemesi qorçalayıcı tedbir sayladı. Sentâbr ayında Bilozerov 13 künge tevqif etildi ve Bilohirsk tehnikumındaki işten çıqarıldı. Bunıñ sebebi, uçucısız Bayraktar aqqında ukrain yırınen videonu izegeni bir video oldı. 

Noyabr ayınıñ soñunda Aqmescit şeerinde Bilohirsk tehnikumınıñ sabıq ocasınıñ natsizm timsallerini qullanması (Rusiye KoAPnıñ 20.3. maddesi) içün oña qarşı bir protokol yazdılar. O 14 künge memuriy tevqif ettiler. Bunıñ sebebi Bilozerovnıñ “VKontakte” safesinde “Qırmızı qanser” ukrain türküsinen bir post oldı.

Dekabr ayınıñ 9-ında Bilozerov añlattı ki, Rusiyeniñ Ukrainağa qarşı tolu miqyaslı arbiy tecavuzı aqqında halq ögündeki nazar noqtası sebebinden Bilohirsk rayonınıñ rus akimiyeti, oña qarşı cinaiy dava açmağa teşebbüs ete.