Acınamız, dostane Türkiye…

06 Fevral 2023

2023 senesi kiçik (fevral) aynıñ 6-sında saba maalinde Türkiyeniñ cenübiy şarqında ve aynı zamanda Suriyeniñ toprağında 7.8 baalı şiddetli zelzele oldı. Neticesinde eali arasında çoq ğayıp bar ve çoq astyapı viran etildi.

Bu qorqunçlı facia neticesinde, ilk bilgilerge köre, tek Türkiyede 912 kişi elâk oldı, 5385 vatandaş yaralandı.

Yazıq ki, qurbanlarnıñ sayısı artmağa devam ete.

Kündüz Türkiyede 7.8 ve 5.7 baalı daa eki zelzele oldı.

Rus tecavuzcısına 9 senedir qarşılıq köstergen Ukraina vatandaşları, Ukraina devletiniñ mustaqilligi ve topraq bütünligini qorçalayaraq, ayatnıñ qıymetini ve tüzetilmez ğayıplardan acını pek yahşı bileler.

Qırımtatar Milliy Meclisi ve men şahsen zelzeleler neticesinde elâk olğanlarnıñ yaqınları ve aqrabalarına acınamız, yaralanğan kişilerge ise Allah şifa bersin ve çabik tedaviylevni ve tam qıymetli yaşayışqa qaytuvnı tileymiz.

Refat Çubarov

Qırımtatar Milliy Meclisiniñ başı

Kıyiv, 2023 senesi kiçik aynıñ 6-sı