Qırımtatar halqınıñ vekilleri Türkiye tış işler naziri Hakan Fidan ile körüştiler

17.07.2026

Qırımtatar halqınıñ lideri Mustafa Cemilev, Qırımtatar Milliy Meclisiniñ Reisi Refat Çubarov ve Meclis azaları Ukrayinada resmiy ziyaretnen bulunğan Türkiye tış işler naziri Hakan Fidan ile körüştiler. Körüşücge Türkiye Cumhuriyetindeki Ukrayina Fevqulâde ve Vekâletli Elçisi Nariman Celâl ve Ukrainadaki Türkiye Cumhuriyeti Fevqulâde ve Vekâletli Elçisi Mustafa Levent Bilgen qatnadılar.

Vekiller arasında Meclis azaları İlmi Umerov, Ahtem Çiygöz, Gayana Yüksel, Riza Şevkiyev, Ukrayina halq mebusı Tamila Taşeva, Ukratinanıñ arap ve musulman devletlerinen işbirligi meseleleri mesleat şurasınıñ kâtibi Snaver Seihthalilev ve Qırım milliy varlıq fondunıñ reisi Lenur Mambetov ediler.

Muzakereler vaqtında taraflar vaqtınca işğal etilgen Qırımdaki havfsızlıq ve gumanitar vaziyetni, insan aqlarınıñ muntazam bozulmasını, qırımtatar halqınıñ işğalli Rusiye akimiyeti tarafından taqip etilmesini muzakere ettiler.

Türkiyeniñ qırımtatar halqına qoltutuv, qanunsız sürgün etilgen qırımtatarlarnıñ aqlarını qorçalav ve Ukrayinanıñ topraq bütünliginiñ ğayrıdan tiklenilmesinde ilerideki işbirligi meselelerinde rolü qayd etildi.

Menba: QIRIM.News.