İşğal etilgen Qırımda suv qıtlığı meselesi kerginleşe

22 Iyül 2024

Faalcilerniñ bilgilerine köre, Qırımnıñ eñ yüksek şelâlesi – Uçan Suv, qurudı. #LiberateCrimea Qırımnıñ işğalinden azat etilmesi içün halqara areketniñ qırım bölüginde Qırım.Aqiqat bu aqqında haber berdi.

Bundan ğayrı, Aqmescitniñ ihtiyacları içün Partisan yapma gölüne suv bergen Alma özeni ve Qara özeniniñ suv anbarına suv bergen ve Aqyarlılarnı suvnen temin etken Qara özeni aman-aman qurudı. Burulça özeni quruy bile, saylaşqan özenler tamamınen qurudı, oek çoq çoqtaqtan suv ketti, Qırım yapma göllerinde suv seviyesi tezce tüşip tura.

“Bu seneniñ başında Qırımnıñ rusiye akimiyeti bildirdi ki, qış mevsiminde saqlanğan çoq yağanaq, bir buçuq senege yeterli olacaq, amma sabandan berli devam etken anomal sıcaq ve quru avanı kimse beklemey edi. Bıña köre, şu sözler endi doğru degil. Qırımda çoq yanğın çıqtı. Quru ava köy hocalığına da zarar ketire, qırım peniriniñ fiyatı pek arttı, çünki şu anda süt sağuv mevsimi degil”, – #LiberateCrimea faalcisi haber berdi.