Meclis qırımtatar halqınıñ genotsid fedalarına abide qoymağa çalışa — Çubarov

24 Aprel 2024

Meclis, qırımtatar halqınıñ genotsid fedalarına abidenen bağlı leyha başlattı. Onıñ üzerinde çalışalar, onıñ kelecek yerini muzakere eteler.

Meclisniñ başı Refat Çubarov Suspilne Qırımğa bu aqqında haber berdi.

Onıñ sözlerine köre, Ukrainada “eki şiddetli cinaiy faciası oldı” — 20 asırnıñ 30. ss Ğolodomır ve sürgünlik oldı, yani qırımtatar halqını Vatanından alıp çıqardı ve 45 sene boyunca olar sürgünlikte tutulğan edi.

Çubarov qayd etti ki, Meclis ukrain cemaatınıñ bu felâqetniñ tam manasını añlamasını ve şu abideni köreceklerniñ qırımtatar faciasını ukrain tarihı, ukrain faciasınıñ qısmı olaraq tanımalarını, Ukrainanıñ kelecegi içün birleşmelerini ister edi.

“Bizim halqlarımıznı deyerli yoq etken şeylerniñ yañıdan olmaması müimdir. Böylece, bu abide er keske köstermeli ki, Ğolodomor, Ğolokost, sürgünlik kibi insaniyetke qarşı böyle şiddetli cinayetler asla yañıdan olmamalı”, — dep Meclisniñ başı qayd etti.

O qoştı ki, Ukrainanı qorçalamaları içün insanlarnı birleştirgen rus-ukrain cenkiniñ 10. seneligi ceetinde bu ayrıca pek müimdir.