İşğalciler, uquq qorçalayıcı Zudiyevanıñ evini tintip, oña qarşı eki memuriy protokol tizdiler

22 Fevral 2024

Kiçik aynıñ 22-siniñ sabasında işğalciler, faalci ve jurnalist Lütfiye Zudiyevanıñ evini tinttiler. Bundan soñ Lütfiye Zudiyevanı Aşırıcılıqqa qarşılıq merkezine alıp kettiler. 3 saat anda buluna edi. Onı yibergen soñ faalci añlattı ki, “kütleviy malümat azatlığı suisitmalı” sebebinden oña qarşı memuriy protokollar tizildi.

“Qırım birdemligi” bu aqqında haber berdi, dep Suspilne bildirdi.

İşğal uquq qorçalayıcı organlarınıñ işçileri, Lütfiye Zudiyevanıñ evinden video nezareti sisteması, fleşkaları, laptobı ve cep telefonını, 18 yaşına yetmegen balalarınıñ cep telefonlarını da alıp çıqardılar.

Bundan ğayrı, uquq qorçalayıcınıñ sözlerine köre onıñ eki malümat kâğıtı alınıp çıqarıldı – siyasiy mabüs Nariman Celâlnıñ “Men qalırım” adlı cıyıntığını ve Rusiye Federatsiyasınıñ uquq qorçalauıcılarınıñ maruzaları cıyıntığı “Yakunin oturışları”. Bu, er sene uquq qorçalayıcılarnıñ iştirak etkenleri körüşüvdir.

Taqiqat tedbirleri bitken soñ Aşırıcılıqqa qarşılıq merkeziniñ işçileri Roman Filatov ve Ruslan Şambazov protokol tizmek içün, jurnalistni Aqmescitteki Aşırıcılıqqa qarşılıq merkezine alıp kettiler.

“E” merkezinde bir qaç sual berdiler, RFnıñ Qanınnamesiniñ 51. madesine bianen men olarğa cevap bermege red ettim. Biz advokat Emil Mahsudovıçnen añlaştıq ki, makeme oturşında öz fikirlerimizni añlatacaqmız. Davanıñ bütün bilgilerini ve postlarını ögrenecekmiz. Bizim fikrimizce, olarnıñ cinayet delili yoq”, — dep Lütfiye Zudiyeva añlattı.