Qırımda uquq imayeci Abdureşit Cepparovğa para cezasını berdiler

05 Dekabr 2023

Qarasuvbazardaki işğal makemesi, “malümat azatlığı sistimalı” maddesine mücibi qırım uquq imayecisi Abdureşit Cepparovğa 40 biñ ruble (tahminen 16 biñ grivna) para cezasını berdi. “Qırım esnası” uquq qorçalayıcı teşkilâtı bu aqqında haber berdi, dep Qırım.Aqiqat bildirdi.

“Makemede eki şaat soratacaqları beklenile edi. Rus quvetçileriniñ sözlerine köre, Cepparovğa qarşı protokol tizilgende olar ediler. Uquq imayeci ise bildirdi ki, onıñ iştiraki olmadan protokol tizildi. Onı makeme oturışına çağırğanda taqiplerni ögrendi”, — dep bildirildi.

“Qırım esnası”nıñ haber bergenine köre, şaatlar makeme oturışına kelmegenler. Amma buña baqmadan makemeci dava baqmağa başqa künge qaldırmağan. Uquq imayeci makeme qararına qarşı istinaf şikâyetini bermek niyetindedir.

Evel RF quvetçileri, qırımtatar uquq imayecisi Abdureşit Cepparovğa qarşı “Rusiye ordusını itibardan tüşürüv” ve “malümat azatlığı suistimalı” maddelerine mücibi eki yañı memuriy dava açqan ediler.