Faalciler, Farhad Soliyevniñ tutulmasınıñ videosını yayınladılar

23 Noyabr 2023

Boş aynıñ 3-ünde işğal etilgen Aqyarda FSB işçileri tarafından 22 yaşındaki qırımtatar Farhad Soliyevniñ tutulmasını nezaret kamerasınıñ videosında körmek mümkün. Suspilne bu aqqında haber berdi.

“Qırım birdemligi” videonı yayınladı.

Videoda körmek mümkün ki, eki FSB işçisi Soliyevni alıp ketti: biri haki renkli urba, başqası ise siya, içtimaiy urba kiyingen. Olar el işaretlerinen qırımtatarlarnıñ areketlerini kontrol ettiler.

Adam tutulğan soñ 20 kün keçti, amma adamdan iç bir haber yoq. Onıñ anası Lenara Seydaliyeva qayd etti ki, “uquq qorçalayıcı organlar” ne onıñ, ne FSBniñ, ne de “prokurorlıq”nıñ arizalarına cevap bermeyler.

“Telefon eteceklerini ayttılar, amma bunı yapmadılar. İİN de iç bir şey yapmay, videoğa köre fotorobot tizmek, bilinga çağırmaq mümkün edi”, — dep advokat Lilâ Gemeci añlattı.

ynı zamanda boş aynıñ 9-ında “politsiya”, Aqmescit rayonındaki işğal OMVSniñ “reber”ine taqiqattan evel teşkerüv bilgikerini yolladı. Onıñ tolu teşkermesi maqsadınen.

Farhad Soliyev ve Server Aliyevni tutulması aqqında ne bilemiz

Boş aynıñ 3-ünde FSB hızmet maşnasınen Soliyev ve onıñ işdeşi Aliyevni belli olmağan yerge alıp kettiler. İşğal İİNniñ işçileri, tutuv aqqında cinay dava açmağa ve aqrabalarına taqiqat ceryanı aqqında haber bermege red ettiler, çünki FSBnin “olarnı 15 kün devamında tutmaq aqqı” bar.

“LizaAlert” qırım qıdıruv hızmetiniñ göñüllileri, “FSB işçileri” eki tutulğan qırımtatarnıñ bulunğanları yerni bileler, dep Farhad Soliyevni qıdırmağa toqtadılar.

Aynı zamanda işğal makemeleriniñ saytında tutulğan qırımtatarlarnıñ davalarınıñ olarğa yollanğanı aqqında iç bir malümat yoq. Advokatlar da ITT ve mahsus müstemlekelerde adamlarnı tapamadılar. Öz menfaatını qorçalamaq içün FSB de tayin etilgen advokatlarnı soramadılar.