Orta küz ayından berli Nariman Celâlnıñ bulunğanı yer belli olmay

21 Noyabr 2023

17 senege maküm etilgen Qırımtatar Milliy Meclisiniñ başınıñ birinci muavini Nariman Celâlnıñ ailesi, orta küz ayınıñ 2-sinden berli, yani Aqmescitteki 2. SİZOdan etap etilgen soñ onıñ qayda olğanını bilmey.

Facebook saifesinde apayî Leviza Celâl bu aqqında haber berdi, dep Suspilne bildirdi.

Böylece, orta küz ayınıñ 2-sinde Asan ve Aziz Ahtemovnen beraber siyasiy mabüsni Aqmescitteki 2. SİZOdan Rusiyedeki ceza müessisesine etap ettiler.

“Şu anda oğlandan “Zonatelekom” vastasınen alınğan mektüplerge köre, belli oldı ki, boş aynıñ 10-unda Krasnodarskiy kraynıñ Yeniseyskteki 2. aspihanege Azizni ketirdiler, Asan ise şimdi Vladimir apishanesine kete. O yerge ketkende dört SİZOğa oturtıldı”, – dep yazdı o.

Aynı zamanda Celâl aqqında, alı nasıl olğanı belli degil, çünki Kreml eseri ailesinen alâ daa bağlanmadı.

“Etap aqqında haber bermek içün bir çare qullanamadı, dep retorik sorayım. Eminim ki, işkenceler olaraq tanıya bilgen oña ruhiy ve ahlâqiy tesir etmek maqsadınen bunı yapalar. İnanam ki, Narimannıñ ruhunı bozmazlar, amma o qadar uzun yola köre onıñ sağlıq içün raatsızlanam”, — dep Leviza qayd etti.

Siyasiy mabüsniñ apayı, bir qaç izolâtorğa mektüp yazıp yolladı, amma Kraynoyarskiy kraydaki iç bir apishanege alâ daa ketmedi. Bunıñ içün advpokatnen beraber o, Moskvadaki Rusiye FSVPge ve Krasnoyarskiy kraydaki Rusiye GUFSVPge ariza yolladılar. Olarğa Celâlnıñ bulunğan yer ve sağlıq alı aqqında haber bermeleri içün. Amma cevap alâ daa almadılar.

“Eñ uzaq apishanege yollap ve Narimannı azamiy şekilde etraf müitten ayırıp, qanunsız olaraq maküm etilgen insannı ve ailesini azaplamağa da isterler. Özlerini taqdir yazıcıları olaraq tanığan insanlar sebebinden böyle şiddetli kerçeklerni yaşaymız”, — dep qanunsız olaraq maküm etilgen qırımtatar adamınıñ apayı qayd etti.