Celâlnıñ mukâfatı, rus apishanesinde bulunmasını qolaylaştıra bilir – Bariiev

10 Noyabr 2023

Qırımtatar Milliy Meclisiniñ başınıñ birinci muavini Nariman Celâlnıñ “Adaletsizlik ikâyesi”nen mukâfatlandırılması, rus apishanesinde bulunmasını qolaylaştıra bilir. 

Qırımtatar Malliy Merkeziniñ idaresiniñ başı, Qırımtatar Milliy Meclisiniñ azası Eskender Bariiev Ukrinformğa bunı bildirdi. 

“Halqara uquq qorçalayıcı mukâfatlarnı berüv, siyasiy mabüsniñ ealisini ve onı destek etmek, ceza hızmetiniñ işçilerine tesir etmek içün uquq qorçalayıcı bir ceryandır. Ceza hızmetleriniñ işçilerniñ tek Ukraina degil, halqara seviyede de bu siyasiy mabüske baqqanlarını añlamları içün de”, – dep ayttı o. 

Tecribemizge köre, müstemlekeniñ reberligi, bütün dünyada belli insannı tutqanını ve imayeciler, jurnalistler ve siyasetçilerniñ siyasiy mabüsnen meraqlanğanlarını añlağanda siyasiy mabüslerniñ müstemlekedeki yaşayışı qolaylaşa, dep Bariiev qayd etti. Bunıñ içün halq ögünde malümatnı tarqatuv, rus quvetçilerine ve ceza müessiseleriniñ işçilerine malümat ve ruhiy tesiridir, dep qayd etti o.

Ruslar köstermege isteyler ki, Nariman Celâl cinayetçidir. Olar onı siyasiy davalarda degil, diversiya ve terrorcılıq ve patlayıcı aletlerni ketirüvnen bağlı davalarda qabaatladılar. Olar içün onıñ siyasiy mabüsniñ obrazını degil, cinayetçiligini köstermek ve onı itibardan tüşürmek müimdir, dep qayd etti o.