Qanunsız olaraq maküm etilgen qırımtatar Rustem Gugurik rusiyege etap etildi

10 Oktâbr 2023

_{Foto: Suspilne}

İşğalciler, Qırımnen memuriy sıñırda tutulğan ve qanunsız olaraq maküm etilgen Herson vilâyetiniñ işğal etilgen topraqlarındaki Novooleksiyivka sakini, qırımtatar Rustem Gugurikni Rusiyedeki Vladimir vilâyetine kerekli ilâçsız etap ettiler. Onıñ qalp hastalığı bar ve muntazam tarzda nefesi yetişmey.

Siyasiy mabüsniñ apayı Viktoriya, Suspilne Qırımğa bunı añlattı.

“Aqmrescitten advokat, onıñ ne yerge etap etkenlerine hitap yolladı, amma onıñ sözlerine köre, 100%-ge eminim ki, onı o yerge (Vladimir vilâyetine — müar.)”, — dep qayd etti o.

Viktoriyanıñ sözlerine köre, Gugurikniñ qalp hastalığı bar ve pek ciddiy tarzda nefesi yetişmey. Şu cümleden, Aqmescitteki 2. SİZOda bulunğanda nefesi er kün yetişmegen edi.

“Anda ne qadar “yahşı” olğanına baqmadan, nefesi er kün yetişmegen edi. İlâçlarnı bermegen ediler. Ayta edi ki, künde bir-eki ilâç oña bergen ediler ve olarnı bölgen edi. O yerden onı çıqarğanda o SİZOdan insanlarnı çıqarıp ketirgende ilâçlarnı bermezler. O, iç bir şey almayıp ketti”, — dep maküm etilgen qırımtatar adamınıñ apayı qayd etti.

• 2022 senesi saban ayınıñ 27-sinde Herson vilâyetiniñ Qırımnen memuriy sıñırında Çonğarda FSB işçileri, onı tuttılar.
• Cenkten evel çoq balalı qırımtatar adamı, taksicilik yapa edi. O, insanların Çongarğa ve keri ketire edi. O kün rus tecavuzı sebebinden adam, ailesini Bağçasaraydaki aqrabalarına ketirmege tırışa edi.
• 2016 senesi Rustem ve ağası Bekir Gugurik, 2021 senesine işğal etilgen Qırımğa kirme yasağını aldılar.
• Saban ayınıñ 31-inde belli oldı ki, Rusiyeniñ kontrol etkeni Aqmescitteki Kıyiv rayon makemesi, “Noman Çelebicihan adına gönülli batalyonda” iştirak etmekte qabaatlağan Rustem Gugurikni eki ayğa tevqif etti.
• 2022 senesi ekim ayında Aqmescitteki işğal Kıyiv rayon makemesi, “Noman Çelebicihan adına gönülli batalyonda” sanki iştirak etkeni içün Gugurikni 8,5 senege maküm etti.
• Aqmescitteki işğal Kıyiv rayon makemesiniñ “makemeci”si OLha Kuznetsova, RF CQniñ 208. maddesiniñ 2. qısmına (“federal qanunnen esapqa alınmağan silâlı birleşmede iştirak etüv”) mücibi üküm çıqardı.