Küz mevsiminde rus akimiyeti, ordusına tahminen 2 biñ Qırım sakini mobilizatsiya etmege planlaştırır

05 Oktâbr 2023

Küz mobilizatsiya kampaniyası vaqtında işğal etilgen Qırımda Rusiye akimiyeti, rf Silâlı quvetleriniñ ordusına tahminen 2 biñ insannı mobilizatsiya etmege planlaştırır. Rus KHVa atıf eterek, Qırım.Aqiqat bu aqqında haber berdi.

“Bu mobilizatsiya deñişmeyip keçirilir: yaş sıñırı 18-27. Vatandaşlar, mobilizatsiya eyyetleriniñ oturışlarına çağırılır”, – dep Rusiye tarafından teşkil etilgen Qırım arbiy komissarlığınıñ azırlama ve vatandaşlarnı müddetli hızmetke çağıruv bölüginiñ reberi Serhiy Davıdenko ayttı.

Qırımnıñ doquz senelik aneksiyası devamında yarımadada Rusiye, 17 qanunsız mobilizatsiya kampaniyasını keçird. 2023 senesi ekim ayınıñ 1-inde işğal ordusına soñ mobilizatsiya kampaniyası başladı. Çiçek ayınıñ 11-inde aynı zamanda üç oturışta Rusiye Devlet duması, hızmet etmege mecbur olğan insanlarnıñ sicili aqqında qanun leyhasını tasdıqladı. O, işğal etilgen topraqlarda hızmet ete bilgen eali üzerinde kontrolnı pekite ve işğal ordusına cinaiy mobilizatsiyadan qaçıma imkânını yoq ete.

Qırım uquq qorçalayıcı gruppasınıñ esabatına köre, işğal etilgen Qırımda RF Silâlı quvetlerinde hızmet etmege “qaçınma” içün rus makemelerine berilgen eñ az 468 cinaiy dava açıldı.