Çubarov: rus işğalcileriniñ maqsadı – qırımtatarlarnı Qırımdan çıqarmaqtır

30 Avgust 2023

Rusiyeniñ vaqtınca işğal etkeni Qırımnıñ böyle degen “akimiyeti”, repressiyalar ve propagandanı pekiterek, öz mevamlarını tutmağa tırışa, çünki añlata ki, yaqın kelecekte yarımada işğalden azat etilecek. Rus işğalcileri, qırımtatarlarnıñ evlerini tintmege ve olarnı tutmağa yañıdan başladılar.

FREEDOM telekanalınıñ canlı yayınında Qırımtatar Milliy Meclisiniñ başı Refat Çubarov bunı bildirdi.

“Biz, repressiyalarnıñ pekitilmesini Qırımnı rus işğalcilerden azat etme ümüdini bergen ve şu anda olğan vaqialar ve ceryanlarnen bağlaymız. Öz mevamlarını tutaraq, repressiyalarnı pekiterek, insanlarnı taqip eterek, yapqanları cinayetler içün mesüliyet almağa tırışalar. Ve umumen bu ceetten rus işğali, Qırımda başqa tarihiy devirlerden farq etmey. 1944 senesi faşist işğalicleri soñ künleri Qırında bulunğanda Qırımnıñ tınç yaşağan sakinleriniñ eñ kütleviy atılması oldı. Ve şimdiki zamannen bunen alâqasını körmek mümkün”, – dep ayttı o.

Çubarov, işğalcilerniñ cemaat üzerinde kontrol tutmağa tırışqanları eki usulnı añlattı. Birinci – propaganda ve ekinci – repressiyalar vastasınen insanlarnı qorqutmaqtır.

“O tutulğan 23 qırımtatar politsiya bölüginde olğanda rus işğal “arbiy komissarlıqlar”ınıñ işçileri de keldiler, ve adamlarğa “arbiy komissarlıq”larğa mobilizatsiya şeadetnamelerini bermege başladılar, olarnıñ bir kün kelmeleri içün. Bu, Qırımda rus işğalcileriniñ repressiyalar siyasetinde yañı bir şeydir”, – dep Çubarov haber berdi.