Qırımtatarlarnıñ sürgünligi halqara seviyede genotsid olaraq tanınmalı – Bariiev

22 Mayıs 2023

1944 senesi sovet rejimi tarafından yapılğan qırımtatarlarnıñ sürgünligi mensüp uquqiy ceetinden qıymetlenmedi, bunıñ içün bugünki rusiye bu tür cinayetlerni yañıdan yapamağa imkân aldı. Faqat o zaman halqara cemaatnıñ kerekli uquqiy mehanizmleri yoq edi, bugün ise olarğa saiptir. FREEДОМ telekanalınıñ canlı yayınında Meclisniñ azası, Qırımtatar Maaliy Merkeziniñ başı Eskender Bariiev bunı bildirdi.

O qayd etti ki, Ukraina da maqbul uquqiy mehanizmlerge saiptir, faqat bugün milliy uquq qorçalayıcı organlar sürgünlikni genotsid aktı olaraq tanıylar. Aynı zamanda Qırımtatar Maaliy Merkeziniñ mütehassısları bildireler ki, qırımtatar halqına qarşı genotsidniñ yapılğanını delil etken bilgiler yeterlidir.

– Bu işniñ soñuna qadar yapacağımıznı pek müimdir: ve kerçekten de ukrain makemeleriniñ sürgünlikni genotsid olaraq tanınma aqqında qararı bar edi, halqara seviyede biz bunı delil etmege azırmız. Kelecek nesillerniñ bunı yahşı añmaları içün bu pek müimdir, – dep Bariiev qayd etti.

Onıñ fikrince, qırımtatarlarnıñ sürgünligini genotsid olaraq tanıma, sabıq Sovet Birliginiñ başqa halqlarına dair maqbul ceryanını başlata bilir. Amma bildirdi ki, qırımtatarlar er kesten çoq zarar kördiler.