Türkiyede Qırımtatarlarnıñ genotsid kününe bağışlanğan hatıra tedbirleri keçirildi

19 Mayıs 2023

Foto: Ukrinform

Türkiyeniñ eñ büyük şeerlerinde ve qırımtatar diasporasınıñ yaşağanı şeerlerinde Qırımtatarlarnıñ genotsid kününe bağışlanğan hatıra tedbirleri keçirildi. Ukrinform bu aqqında haber berdi.

– Tamam bir milletni yoq etmege ıntılğan genotsidniñ qurbanlarını ümütnen añamız. Şimdi biz, rusiyeniñ qırımtatar halqına qarşı ve Ukrainağa qarşı cinayetlerini yañıdan yapma ıntıluvını beraber silâlı küreşnen toqtatamız. Ukrainalılar ve qırımtatarlar ruslarnıñ işkencelerini asla dayanmaycaqlar, – dep Türkiydeki Salâhiyetli ve Vekâletli Ukraina elçisi Vasıl Bondar ayttı.

Diplomat qayd etti ki, Ukraina bu künni qırımtatar halqınıñ genotsid künü olaraq resmen tanıdı ve bütün dünyanı ukrainalılarnı destek etmege, mayıs ayınıñ 18-inde bütün dünyada Qırımtatar halqınıñ genotsid künü olaraq tanımağa çağırdı, rus tecavuzına qarşı orta ğalebe ise bütün bölgede barışıqnı temin etecek.

Qırımtatar Milliy Meclisiniñ başınıñ muavini İlmi Umerov ümüdini bidirdi ki, eñ yaqın kelecekte rusiyeni yeñecekmiz ve şu anda ecnebiy ülkelerde bulmağa mecbur olğan qırımtatarlar Qırımğa qaytacaqlar.

– Ukrainanıñ keçirgeni arbiy operatsiyalar mufavaqiyetli olacaqlar. İç şübemiz yoq ki, Qırım ruslardan alınacaq, qaytarılacaq ve qırımtatar halqı Ukrainanen beraber yañıdan inkişaf etecek. İnanam ki, eñ yaqın kelecekte Qırımğa qaytacaqmız, – dep Qırımtatar Milly Meclisiniñ başınıñ muavini İlmi Umerov ayttı.

İştirakçileri, sürgünlikniñ qurbanlarını hatıra daqqasınen añdılar, mitingden soñ qırımtatarlarlarnıñ milliy tamğasını ve “mayıs ayınıñ 18-i” tarihını köstergen hatıra abidesinde çıqarlar yandırıldı.

Bundan ğayrı İstanbul, Eskişehir ve başqa şeerlede hatıra tedbirleri keçirildi. Anda qırımtatar ve ukrain diasporalarınıñ reberligi ve vekilleri, Ankaradaki ecnebiy müessiselerniñ diplomatları – Lehistan, Litvaniya, Latvita elçileri iştirak ettiler.