Qırımda belki de demiryolnıñ “patlaması” sebebinden qırımtatar tutuldı

19 Mayıs 2023

Qırımnıñ Kirov rayonında belli olmağan insanlar, 29 yaşındaki qırımtatar Mambet Asan-Ustanı hırsızladılar. Onıñ tutulması, mayıs ayınıñ 18-inde Aqmescit tübünde demiryolnıñ “patlaması”nen belki de bağlıdır. “Qırım birdemligi” bu aqqında haber berdi.

– Tamamınen tonlanğan beyaz “Vesta” tura edi. Bu maşna onı takip etken soñ Kirpsvke yönelişke ozıp keçti, Juravkıdan soñ çanalatmağa başladı, onıñ maşnası ögünde yavaşça kete edi. Oña qarşı Yol-noqta hızmetiniñ işçileri kettiler ve politsiya bölügine ketirdiler – bazalarda vesiqalarını sanki teşkermek içün, – dep Mambetniñ aqrabası uquq qorçalayıcılarğa añlattı, dep Qırım.Aqiqat haber berdi.

Tahminen saat 20:00de rus YNHniñ işçileri adamnı tuttılar. Tek gece maalinde Asan-Usta bağlandı – Aqmescitte bellisiz bir binada bulunğanını añlattı. O yerge onı başıdaki çuvalnen ketirdiler. Bildirildi ki, Qırımnıñ sakinini şaatnameni imzalamağa mecbur ete ediler ve Çıstenke köyüniñ rayonında demiryolda patlama aqqında sorattılar.

Onıñ sözlerine köre, politsiya bölüginden çıqqanda oña maskanen adamlar atıldılar – tuttılar, közleri ve ağzını bağladılar, mikroavtobusqa mindirdiler ve qorquttılar. Belli olmağan insanlar qırımtatarnı demiryol çığırlarındaki qaza vaqtında onıñ ne yerde olğanını, “Ukrainanen munasebeti”ni soradılar, “yalan ögretici aletke” oturtmağa söz berdiler, ölümnen de qorquttılar. Soravdan soñ adamnı biraz tuttılar, bundan soñ da qaldırğanları benzin stantsiyasına ketirdiler.