Sudaqta tintüvlerden soñ rus quvetçileri eki qırımtatar faalcisini tuttılar

27 Aprel 2023

Foto: Qırım birdemligi

İşğalcileri, qırımtatar faalcisi Edem İsmailov ve Bari Barievniñ evlerini tinttiler. “Qırım birdemligi” içtimaiy birleşmesi bu aqqında haber berdi.

– Saat yedide tintüvler aqqında telefon etmege başladılar. Barinen beraber qart anası yaşay. Eki faalciniñ 18 yaşına yetmegen balaları bar. Olar da evindelerdi, – bildirildi.

Qayd etildi ki, saba saat 8:30te Barievniñ evini tintmege bitirdiler – quvetçiler onı tutıp Aqmescitke ketireler, dep Qırım.Aqiqat haber berdi.

– Evini tintmege bitirgen soñ silânen işçilerniñ ozğarmasınen Barini evinden çıqardılar. Umumen tahminen on adam edi. Maska tikken işçilerden biri ayttı ki, onen laf etmek içün onı Aqmescitke Franko bulvarına ketireler ve aqşamğa Bari evine qayatacaq. Ayttı ki, aqrabalarına tintüvnamesini berdiler. Amma aqrabaları haber berdiler ki, bu vesiqanı almadılar. “Gazel” nomerasız edi, em de “Ford”, – dep içtimaiy qorçalayıcı Seit-Osman Karaliev qayd etti.

Saat 9:45ke qadar İsmailovnıñ evini de tintmege bitirdiler.

– Evinde TFH, soqaqta yerli politsiyanıñ ceza qıdıruvı bölüginiñ işçileri çalışa ediler. Edemni de Aqmescitke ketirdiler, – dep Karaliev qayd etti.

Tintüvlerniñ sebepleri belli olmay.