Ukrainanıñ stereotiplerni bozğanını körem – Nariman Celâlnıñ mektübinden

09 Mart 2023

Ukraina Prezidentiniñ ukrain ordusını zemaneviy ve daa quvetli silânen temin etüv işinde muvafaqiyetleri, rus propaganda bataqlığında Volodımır Zelenskıyğa qarşı çoq menfiy duyğularnıñ sebebi oldı.

Amma tek yapa bilgenleri şey – Zelenskıynıñ urbasını qılınmaq, oña alğışlanmağan avropa ülkeleriniñ başlarınıñ sayısını saylamaq, avropa seyaatını nenen yapqanını muzakere etmektir. Amma yaqın kelecekte Ukrainada quvetli tanklar, bundan soñ da eminim ki, em de uçaqlar olacaq. Ve bu, duşmalarnı eriştire.

Ukrainada ise Prezidentni, ükümetni, memurlarnı tenqit etken kişiler çoq. Ve bu, demokratiyanıñ esaslarından biridir. Öz fikirlerini bildirmek aqqı içün bazıları rus apishanelerde bulunalar, bazıları cebede cenkleşeler.

Amma aynı zamanda tenqit çerçivesinde qalmaq, rus propagandasınıñ ukrain misali olmamaq müimdir. Bunıñ içün cevapkâr olayıq.

Ukrainanıñ stereotiplerni bozğanını körem. Ukrain askerleri “dünyanıñ ekinci ordusı”niye yeñeler. Cenkke baqmadan Ukraina avropa integratsiyasına ilerige adım-adım yaparaq kete. Çoq ukrainalınıñ evelki qorqularına baqmadan Volodımır Zelenskıy ise aqiqiy Prezident olmağa becerdi.

Umumen de ukrain taraflı ekinci prezidentimiz bu. Ve Ukraina içün bu büyük bir mufavaqiyettir. Üçünci de olacaq! Meselelerniñ qalmaları, akimiyetke ve memurlarğa bir sualdir, muayyen qararlarğa memnüniyetsizlik – demokratiya qaidesidir. Bu, muntazam bir ceryandır. Ve cemaat, opozitsiya, KHV, mütehassıslarnıñ vazifesi – akimiyetni tenqitke qarşılıq köstermege mecbur etmektir. Keçken qabarcılıqqa qarşı tedbirler, işten çıqaruvlar ve tevqifler, bu ceryannıñ yahşı bir köstergicidir. Epimiz – em akimiyet, em de cemaat – demokratiya ögrenemiz.

Bunıñ içün yahşıca areket tarzını köstereyik.

Nariman C.