Bazılar yayğara qoparalar, amma çoq insan USQni ve azat etüvni bekleyler: Çubarov Qırımnıñ keyfleri aqqında

23 Noyabr 2022

Rusiyeniñ işğal etkeni Qırımda tek tecavuzcı bir devletnen birleşmege degil, em de Ukrainanıñ Qırımnı qaytaracağını beklegen insanlar bar.

Soñlarnıñ sayısı – yüz biñlerce.

Qırımtatar Milliy Meclisiniñ başı Refat Çubarov OBOZREVATEL TVge bu aqqında haber berdi. Onıñ sözlerine köre, yarımadanıñ bazı sakinleri Ukraina Silâlı Quvetlerini sabırsızlıqnen bekleyler.

– Qırımnıñ ealisiniñ diger qısmı – işğal vaqtında yarımadapağa köçip anda oturğanlar. Qırım endi 8 seneden çoq RF tarafından işğal etildi… Em de rus askerleriniñ Qırımnı zapt etmesine quvanğanlar. Bu insanlarnıñ kategoriyası içinde çoq duyğu bar: şu cümleden, yayğara ve telâş, çünki insanlarnıñ qısmı tüşünip añlamağa başladı ki, faydasız para qoydı ve mesken aldı, – dep Çubarov qayd etti.

Onıñ fikrine köre, yaqın kelecekte Ukraina Qırımnı qaytaracaq. Ve aynı zamanda RFnıñ işğalinden Qırımnı azat etüv ceryanı qansız ola bilir. Ukraina Silâlı Quvetleri içün eñ müim şey – Qara deñiz flotunı ve işğalcilerniñ topraq yolunı bloklaştırmaqtır.