Ukrain Arbiy-deñiz quvetleriniñ tutulğan sabıq kapitanı açlıq çekmege devam ete

01 Noyabr 2022

Herson vilâyetinde işğalcilerniñ tutqanı USQniñ Arbiy-deñiz quvetleriniñ sabıq kapitanı Oleksiy Kıselöv beş kün devamında açlıq çeke. QırımSOSnıñ anatikacısı Yevheniy Yaroşenko bu aqqında haber berdi. 

– Oktâbr ayınıñ 27-sinde “Slavutıç” ukrain gemisiniñ sabıq kapitanı Oleksiy Kıselöv açlıq çekecegini bildirdi. Açlıqnıñ sebebi, eki ay boyunca adamnıñ ihtiyac duyğanı, amma berilmegen tibbiy yardım edi, – dep Yevheniy Yaroşenko añlattı.

2022 senesi iyül ayınıñ 22-sinde Herson vilâyetiniñ Geniçesk şeerinde işğalciler Oleksiy Kıselövnı hırsızlap Qırımğa ketirdiler. O, Noman Çelebicihan adına qırımtatar batalyonına iştirak etkeni içün qabaatlandırıla. Rus  “uquq qorçalayıcısı”nıñ itirafını almaq içün Kıselövnı aqım ve azaplay ve ura ediler.

Şu anda belli ki, Kıselöv Aqmescit şeerindeki yañı taqiqatçı izolâtorında buluna. Mahsus bloknıñ daa altı kamerasınıñ tevqif etilgen kişisi açlıqnı destek etti.

Şu anda Noman Çelebicihan adına qırımtatar batalyonında sanki iştirak etüv qabaatınen eñ az 16 kişi, olardan 10-u ise 2022 senesi fevral ayınıñ 24-ünden soñ apis etildi. 2022 senesi iyün ayınıñ 1-inde rf yuqarı makemesi batalyonnı terrorcı bir teşkilât olaraq tanıdı.