Qırımnıñ işğali boyunca million qanunsız makeme davası baqıldı – Prezidentniñ vekili

19 Oktâbr 2022

İşğalniñ deyerli doquz senesi boyunca Qırımda milliondan ziyade qanunsız makeme davası baqıldı. Brifingde işğalden azat etken soñ Qırımnı yañıdan pekitüv strategiyası üzerinde çalışmalarnı aatqanda Ukraina Prezodentiniñ Qırım MCdeki daimiy vekili Tamila Taşeva bu aqqında haber berdi. Bu cümleden, işğal vesiqalarınıñ tasdıqlanması ve işğal makemeleriniñ qararlarınıñ baqılması – devletniñ işğalden azat etilgen Qırımdaki eñ müim vazifelerinden biridir.

– Vatandaşlarnıñ ya da Ukraina devletiniñ aqlarını ve qanuniy ğayelerini bozğan qararlar yañıdan baqılacaqtır. Biz añlaymız ki, bu deyerli doquz sene boyunca Qırımda milliondan ziyade qanunsız makeme davası baqıldı. Olardan yüz biñinden ziyade cianiy davadır, – dep Taşeva ayttı.

Onıñ sözlerine köre, işğal seneleri boyunca işğal etilgen Qırımda tahminen 300 biñ sakini öldi, ukrain sicillerinde ise – 2%-inden az.

– Ve bu tek qayd aqqında degil, miras davaları, saiplik aqqı da aqqındadır. Qırımda 200 biñden ziyade bala doğdı. Ukrain sicillerinde tek tahminen 11%-i qayd etildi. Balalar ise – mahsus qorçalanmalı olğan eñ zayıf gruppalardan biridir.