Qazahistan 2 biñ qırımlını qabul etti

03 Oktâbr 2022

Qırımnnıñ, Qazahistanğa ketken ve anda bulunmağa mecbur qalğan sakinleriniñ sayısı eñ az 2 000. Olarnıñ vaziyeti tenqidiy.

Ukrainadaki AB Vekâyetligi meseleleri Muvaqqat vekili Remi Düflonen körüşüv vaqtında Qırımtatar Milliy Meclisiniñ başı Refat Çubarov bunı bildirdi.

Çubarovnıñ sözlerine köre, qırımlılar em Ukrainağa ketmeleri içün vesiqalarına saip olmağanından sebep, em de acele baqılmaq ve Ukraina maqbul nazirlikleriniñ ve müessiseleriniñ tarfından çezilmek kerekli olğan çoq mesele sebebinden anda qalmağa mecburlar.

– Körüşüv vaqtında qayd etildi ki, yaqın bir qaç kün içinde Astanada teşkil etilgen Qırımtatar Milliy Meclisiniñ gumanitar meseleleri koordinatsiya merkezinen beraber Qazahistandaki AB Vekilligi, Ukraina vatandaşları-işğal etilgen Qırımnıñ sakinlerine gumanitar yardım berüv yollarını tapmaq maqsadınen olarnıñ Qazahistanda vaqtınca yaşayış şartlarını teşkerecek, – dep ayttı.

Körüşüv vaqtında Çubarov Düfloğa vaqıtnca işğal etilgen Qırımdaki vaziyetni añlattı, rusiyeniñ, 1949 Cenevre şartnamesiniñ cenk vaqtında grajdan ealini qorçalav maddelerine baqmadan, cinaiy mobilizatsiya ceryanını ve neticelerini daa tafsilâtlıca ayttı.