İşkenceler, zorbalıq, sahte şaatlıqlar – advokat Polozov ‘Celâlnıñ davası’ aqqında

22 Sentâbr 2022

Meclisniñ başınıñ ilk muavini Nariman Celâlnıñ ve faaciler Asan ve Aziz Ahtemovnıñ böyle degen davası Telükesizlik Federal Hızmeti tarafından sahte etildi. Advokat Mıkola Polzov bunı bildirdi.

Daa o qayd etti ki, taqiplerniñ bir siyasiy sebebi bar. Bu cümleden, işğal şartlarında faal olğan ve işğal ‘akimiyeti’niñ qorutmalarına baqmadan ‘Qırım platforması’nda iştirakm etmege qormağan Nariman Celâlğa ait. 

Advokatnıñ sözlerine köre, siayasiy mabüslerniñ ‘dava’sı eki temelde – işkenceler ve gizli şaatlarnıñ tüşünip çıqarğanı sahte şaatlıqlarına – esaslana.

– Birinci temeli – işkenceler ve zorbalıqtır. İşkenceler ve zorbalıq bütün qabaatlanğanlar ve şaatlarına qarşı qullanıldı. Belli ki, bu davada eñ az sekiz kişi basım astına oğradı. Ekinci temeli – gizli şaatlarnıñ, çoqusı allarda bar olmağan insanlarnıñ yalan şaatlıqları. Bu, TFHniñ bir agenturası, – dep Polozov añlattı.

Advokat qayd etti ki, başlanğıcından ‘makeme’niñ qabaatlanğan kişilerge qarşı tarafnı almağa ve qabaatlandırıcı maküm çıqarmağa niyetini köstere edi.

Deliller laf aqqında olsa, Telükesizlik Federal Hızmetiniñ Nariman Celâl, Asan Ahtemov ve Aziz Ahtemovnıñ er bir cinayet yapmalarınen bağlı olğanı bir delil tapmadı.

– Davada gizli deñlimeler, telefon aytışmaları, bilingler mevcut olmay. Yaki kerçekten de er şey ilkingi fikirlerge, işeknceler vastasınen alınğan şaatlıqlarğa ve gizli şaatlarnıñ şaatlıqlarına esaslana. Yani ‘dava’ yalan şaatlıqlarğa esaslana, – dep advokat qayd etti.