AŞPAnıñ 27 azası qırımtatarlarnıñ taqipleri aqqında beyannameni destek etti

20 Sentâbr 2022

Avropa Şurasınıñ Parlament Assambleyasınıñ saytında ‘Ukrainanıñ işğal etilgen topraqlarında qırımtatarlarnıñ sürekli siyasiy taqipleri’ne dair bir beyanname yayınlandı.

Şu anda Assambleyanıñ Avropa Şurasınıñ azası olğan 7 ülkesinden 27 azası, bu cümleden Ukraina, Estoniya, Latviya, Almaniya, Danimarka, Azerbaycan ve Lehistan onı destek etti.

– Bu vesiqa, sentâbr ayınıñ 21-inde qanunsız olaraq makeme etilecek Nariman Celâlğa ve Ahmetler ağalarına qanunsız üküm çıqaruvğa bağışlanğan. Daa Beyanname rusiyege irişilir bütün çareler vastasınen basımnı quvetleştirmege çağıra, çünki işğalci bir devlet tarafından qırımtatar halqınıñ temsilcileriniñ taqipleri çoqlaşa, – dep Qırım MCndeki Ukraina Prezidentiniñ Vekilliginde haberdar ettiler.

Beyannamede qayd etildi ki, rfnıñ Ukrainağa tolu miqyaslı tecavuzınıñ başlanğıcından soñ qırımlılarnıñ taqileri ciddiy tarzda çoqlaştı. Qırımda kibi Herson ve Zaporijjâ vilâyetleriniñ vaqtınca işğal etilgen topraqlarında rus işğalcileri tamır qırımtatar haqlınıñ temsilcilerini muntazam tarda taqip eteler. 2022 senesi sentâbr ayınıñ başlanğıcından rus Ukrainağa qarşı silâlı tecavuzı neticesinde 106 qırımtatar (7si – Herson vilâyetinden) serbestlikten marum etildi.