Meclisniñ başı, Aksönovnıñ batalyonlarnı Ukrainağa yollamasınen bağlı beyanına cevap berdi

16 Sentâbr 2022

Qırımtatar Milliy Meclisiniñ başı Refat Çubarov bildirdi ki, işğal etilgen Qırımda eki ‘göñülli’ batalyonnı toplamaq imkânsız. Onıñ sözlerine köre, bunı yapmaq içün bütün repressiya aparatı, arbiy qısımlar ve cezalandırıcı organlarnı çekmek kerek.

Meclisniñ başı Qırımnıñ böyle degen ‘başı’ Serhiy Aksönovnıñ eki ‘göñülli’ batalyonnı sanki Ukrainağa qarşı cenkke yollamasınen bağlı beyanına böylece cevap berdi.

– Olar bir qaç insan tapa bilirler, faqat tıştan da çekerler. Para berip bu bölüklerge davet eterler. Añlaşılır ki, Qırımda iç bir gönülli yoq. Olar, Stavropolsk ve Krasnodar krayında yaşağan kişilerni çekecekleri kazak bölüklerini teşkil ete ediler, – dep qayd etti.

Keçenlerde Qıımnıñ işğal akimiyeti bildirdi ki, Ukrainadaki cenkke yollamaq içün yarımadada eki ‘göñülli’ batalyonnı toplarlar. İşdeşlikçilerniñ sözlerine köre, Qırım endi 1200 ‘göñülli’ni teklif etti.

Keçenlerde belli oldı ki, RF Merkeziy Asiya ülkeleriniñ vatandaşları, esip etilgenler ve uzaqlıqtaki bölgelerniñ temsiclileri aralarında ücretli askerlerni toplamağa tırışa. ‘Er bir subyektten birer batalyon’ ifadesi faal bir şekilde tarqatıla.