İlk yaz ayınıñ 26-nda Kıyivde Qırımtatar milliy bayrağı kününe bağışlanğan tedbirler keçirilecek

23.06.2026

Ukrayina paytahtı olğan Kıyiv şeerinde bu künniñ qayd etilüvi er yıl cemaat, devlet müessiseleri, Qırımtatar Milliy Meclisini birleştirgen güzel bir anane oldı.

Böylece, 2026 senesi ilk yaz ayınıñ 26-nda Kıyivde Qırımtatar milliy bayrağı künü munasebetinen böyle tedbirler keçirilecek:

09:00 – cemaat, Kıyiv şeer devlet memuriyeti ve Qırımtatar Milliy Meclisiniñ vekilleri iştirak etken Kıiyiv şeer devlet memuriyetiniñ binası yanındaki bayraq temelinde qırımtatar milliy bayrağını köterüv merasimi;

10:00 – ocalar, talebeler, Rektorat ve Qırımtatar Milliy Meclisiniñ vekilleri iştirak etken Taras Şevçenko adına Kıyiv milliy universitetiniñ baş binası (Volodımırska sq., 60) yanındaki bayraq temelinde qırımtatar milliy bayrağını köterüv merasimi.

11:00 – Tış işler nazirliginiñ reberligi ve taqımı, devlet akimiyet organlarınıñ vekilleri, Qırımtatar Milliy Meclisi, cemaat iştirakinen Ukrayina Tış işler nazirliginiñ binası yanındaki bayraqta qırımtatar milliy bayrağını köterüv merasimi.

16:00 – Ukrayina halq mimarlığı ve turmuşı milliy müzeyinde Qırımtatar milliy bayrağı kününiñ qayd etilmesi.

Bu yılki tedbir qırımtatar halqınıñ Ekinci Qurultayınıñ 35 yıllığına bağışlana. Musafirlerni tantanalı programma, qırımtatar icracılarınıñ kontserti, usta dersleri, yarmalıqlar, bala faaliyetleri, qırımtatar yemekleri ve birinci qırımtatar bağçasınıñ qurulış merasimi bekley.

Müzeydeki bayram programması aqqında tafsilâtlıca.

Qayd etemiz ki, müzeyde keçirilecek tedbirde iştirak etmek içün qayd etüv formasını toldurmaq kerek.